Er ég nú stödd í Konstanz í Þýskalandi, litlum 70.000 manna háskólabæ sem liggur við Bodensee vatn; alveg við landamæri Sviss og nem lög við Universität Konstanz. Fallegri og hentugri staðsetningu er ekki hægt að hugsa sér. Frakkland, Austurríki og Sviss eru aðeins í nokkurra klukkutíma fjarlægð (tekur reyndar bara um 20 mín að rölta yfir til Sviss) og umhverfið allt í kringum Konstanz er gríðarlega fallegt enda held ég að Mensan (mötuneytið) í Uni hafi flottasta útsýni af öllum háskólum í Þýskalandi. Hins vegar er samt einn ókostur sem fylgir því að búa við vatn. Það sem liðið er af vetrinum hér; hefur næstum upp á hvern einasta dag verið þoka yfir öllu – þetta er víst bara ofur eðlilegt á veturna segja Konstanz-búar en ég get ómögulega vanist þessari endalausu þoku og finnst mér stundum eins og ég sé stödd í Hitchkok-mynd þegar geng um bæinn við þessar aðstæður!!!
Annars bý ég í WG = Wohngemeinschaft, með þremur strákum; tveimur Þjóðverjum og einum Wales-búa. Annar Þjóðverjinn er alveg húðlatur og heldur greinilega að hann búi ennþá hjá mömmu; hinn er fyrrverandi hermaður, mjög skipulagður, sparsamur og þrifinn, sem sagt “ekta” Þjóðverji og svo er það Walesbúinn sem býr í herberginu við hliðina á mér – hann elskar pönktónlist og hlustar reglulega á þýskt pönk á hæsta styrkleika og spilar oft á gítarinn sinn í leiðinni. Eins og í öllum stúdentaíbúðum í Evrópu (virðist vera) eru veggirnir hér mjög hljóðbærir þannig að ég verð orðinn gjörkunnug þýsku og ensku pönki eftir dvölina hér!!!
Að lokum ætla ég að upplýsa það hér með að þýskar konur (í Baden-Württenberg allavegana) raka sig undir höndunum og ekki eru allir þýskir karlmann með yfirvaraskegg og bjórbumbu – en sú lýsing á reyndar svoldið vel við Bæjara verð ég að viðurkenna :-)
Bis später,
Lilja
Annars bý ég í WG = Wohngemeinschaft, með þremur strákum; tveimur Þjóðverjum og einum Wales-búa. Annar Þjóðverjinn er alveg húðlatur og heldur greinilega að hann búi ennþá hjá mömmu; hinn er fyrrverandi hermaður, mjög skipulagður, sparsamur og þrifinn, sem sagt “ekta” Þjóðverji og svo er það Walesbúinn sem býr í herberginu við hliðina á mér – hann elskar pönktónlist og hlustar reglulega á þýskt pönk á hæsta styrkleika og spilar oft á gítarinn sinn í leiðinni. Eins og í öllum stúdentaíbúðum í Evrópu (virðist vera) eru veggirnir hér mjög hljóðbærir þannig að ég verð orðinn gjörkunnug þýsku og ensku pönki eftir dvölina hér!!!
Að lokum ætla ég að upplýsa það hér með að þýskar konur (í Baden-Württenberg allavegana) raka sig undir höndunum og ekki eru allir þýskir karlmann með yfirvaraskegg og bjórbumbu – en sú lýsing á reyndar svoldið vel við Bæjara verð ég að viðurkenna :-)
Bis später,
Lilja